Month: September 2021

R32 000 vir duurste ram

By die afgelope SAVM Produksieveiling wat op Alexandershoek aangebied is, is die duurste ram vir R32 000 verkoop. Hier is Appie Maritz (afslaer BKB), Gawie en Pieter Carstens (verkopers) en hanteerder Donovan Syster (Carstens Boerdery). Die koper van hierdie ram is Janec Boerdery van die Paarl.

Wolmarkverslag met OVK

Cape Wools Merino aanwyser styg met 0.9% en 85.7% van die aanbieding is verkoop / Cape Wools
MARKANALISE
Die 2de wolveiling van die 2021/2022 seisoen, het op 18 Augustus plaasgevind. Die Cape Wools Merino aanwyser het met 0.9% gestyg teenoor die vorige veiling en teen ‘n skoonprys van R167.64/kg gesluit.
Die Australiese EMI het egter met 2.7% verswak teenoor die vorige veiling. Die Rand het, ooreenstemmend dieselfde tyd van die vorige veiling, 0.7% swakker verhandel teen die VSA Doller en het ook 0.9% verswak teen die Euro. Die grootste styging van 1.7% op hierdie veiling, was in die 20.5 mikron segment.
Standard Wool SA het op hierdie veiling die grootste hoeveelheid bale gekoop, gevolg deur G. Modiano SA, Lempriere SA en Stucken & Co. Daar is in totaal 9 046 bale aangebied, waarvan 85.7% verkoop is.
Op die OVK veiling is 3 718 bale aangebied waarvan 87.2% verkoop is. Die hoogste prys op die OVK veiling, van R201.90/kg, is behaal vir ‘n 1 baal lot BH van 15.9 mikron, uit die skeersel van W Venter, van Victoria-Wes. Die koper was Standard Wool SA.
VOORUITSIGTE
Ten spyte van die verswakking in die Australiese wolmark, het die Suid-Afrikaanse wolmark die week verbeter.
‘n Bydraende faktor tot die verbetering, is die effense verswakking van die Rand teenoor die vernaamste geldeenhede.
Die verwagting is dat die mark sywaarts behoort te beweeg in die kort termyn, mits die Rand teen die huidige vlakke bly verhandel. Wol ontvang in die makelaars se store hierdie week, is 4.4% hoër, vergeleke die ooreenstemmende tyd van die vorige seisoen.

Winetech en Vinpro oor volhoubaarheid in wynbedryf

Winetech en Vinpro skyn die kollig op volhoubaarheid in die wynbedryf tydens ‘n reeks streeksinligtingsdae van 7 tot 14 September 2021.
GESELS SAAM oor verskeie aspekte van volhoubaarheid, insluitend die ekonomie, klimaatsverandering, beste besproeiingspraktyke, effektiewe spuittoediening en die gebruik van natuurlike predatore.
Die inligtingsdae word vir die eerste keer fisies gehou nadat dit sedert die aanvang van Covid-19 in ‘n webinaarformaat aangebied is. Slegs ‘n beperkte aantal sitplekke is beskikbaar en streng veiligheidsprotokolle sal deurgaans geld.
Dieselfde program word grotendeels gevolg, en sekere van die dae word in samewerking met die biologiese beheerspesialiste fieldBUGS aangebied.
Onderwerpe:
• Stand van die Suid-Afrikaanse wynbedryf.
• Die wynwêreld se benadering teenoor klimaatsverandering.
•Beste besproeiingspraktyke & gevallestudies.
• Faktore wat doeltreffende spuittoedienings beïnvloed.
• Die gebruik van natuurlike predatore in wingerdbestuur.

Kostes en registrasie
Die bywoningskoste vir die onderskeie streeksinligtingsdae wissel tussen R150 en R250 per persoon. Registreer aanlyn by https://sales.vinpro.co.za/ of kontak Lesley Paulse by 021 276 0429, lesley@vinpro.co.za. Alternatief, sien asb aangeheg registrasie vorm.

Weskus se blomme ‘n groot trekpleister

Die Weskus-streek is bekend vir sy pragtige blomme hierdie tyd van die jaar.
Die goeie reënval in Julie vanjaar het bygedra dat vanjaar se blommeprag groter en meer kleurvolle blomme oplewer.
Met die aanvang van die blomseisoen in Augustus het die streek reeds ‘n toename in besoekers gesien wat die toerisme sektor en plaaslike ekonomie ‘n welkome hupstoot gee.
Die toerisme sektor is krities tot plaaslike ekonomiese groei en skep werk aan vele in die Weskus. Die sektor is tans besig om stelselmatig te herstel van die negatiewe impak van die nasionale inperking as gevolg van COVID19.
Gurshell Abrahams, Weskus Toerisme Bestuurder, sê dit is verblydend om te sien dat daar soveel mense die streek besoek. “Die blomseisoen is altyd ‘n besige tyd vir die toerisme sektor in die Weskus.
“Ons wil net al die besoekers herinner dat hulle die COVID-19 regulasies ten alle tye moet eerbiedig” het Abrahams gesê.
Besoekers wat meer inligting oor die blomme wil bekom kan die Weskus Blomlyn by 079 741 0113 skakel.
Weskus Toerisme stel ook ‘n weeklikse verslag op oor waar die mooiste blomme besigtig kan word. Indien jy inligting oor die streek se blomme in elektroniese formaat wil ontvang kan jy registreer op Weskus Toerisme se webtuiste by www.weskustourism.org of rig ‘n epos aan tourism@wcdm.co.za.

Sport – Sterre skitter op baan

Anesce du Toit en Franco Rust van die Laerskool Dirkie Uys op Moorreesburg het die naweek aan die TSA Eden Mini-4-uitdaging op Oudtshoorn deelgeneem. Anesce het ‘n 5de plek behaal vir die meisies o.16-afdeling, terwyl Franco ‘n 4de plek behaal het in die seuns o.14-afdeling.
Foto: www.facebook.com/LaerskoolDirkieUys

Sportuitslae • Sport Results

Wedvlugduiwe

OMEGA
Hopetown Board – 21 Augustus
1 Team Neo Vision 15:58:50; 2 Shane Arendse 16:05:18; 3 Manuel Lofts 16:10:09; 4 Leukes &Garth Loft 16:11:17; 5 Team Neo Vision 16:13:26; 6 Team Neo Vision 16:14:53; 7 Shane Arendse 16:23:55; 8 Kasu Family 16:24:14; 9 Manuel Lofts 16:25:39; 10 Shane Arendse 16:26:06; 11 Team Neo Vision 16:28:06; 12 Team Neo Vision 16:32:23; 13 Leukes &Garth Loft 16:33:20; 14 Manuel Lofts 16:37:13; 15 Sheldon Bros 16:37:30

MALMESBURY POSDUIF VERENIGING
Beaufort Wes Jo 2 – 29 Augustus
1 Team Neo Vision 1308.4825; 2 Team Neo Vision 1301.3976; 3 J Steenkamp 1297.3676; 4 Lewisham Lofts 1295.9552; 5 Kotze Familie Hokke 1293.5893; 6 J.A. Lombaard Jnr 1291.6174; 7 J Steenkamp 1283.3518; 8 J.A. Lombaard Jnr 1282.9713; 9 Limbardi 1279.3798; 10 LF van Dalen 1278.9282; 11 LF van Dalen 1278.7854; 12 Bordeaux A 1277.1077; 13 Lewisham Lofts 1277.0909; 14 Limbardi 1277.0425; 15 Marais Hokke (Ksd) 1275.7431; 16 Marais Hokke (Ksd) 1275.5304; 17 G Williams 1273.4763; 18 Limbardi 1273.3476; 19 J.A. Lombaard Jnr 1273.2112; 20 Bordeaux A 1272.4501
Beaufort Wes Ope 2
1 Kotze Familie Hokke 1313.8121; 2 Marais Hokke (Ksd) 1312.2993; 3 Kotze Familie Hokke 1311.7089; 4 Team Neo Vision 1278.0425; 5 Team Neo Vision 1277.8302; 6 Kotze Familie Hokke 1277.3843; 7 Kotze Familie Hokke 1277.0288; 8 G Williams 1275.8146; 9 G Williams 1275.5307; 10 Limbardi 1271.3722; 11 Kotze Familie Hokke 1264.2220; 12 G Williams 1263.1633; 13 G Williams 1259.2783; 14 Lewisham Lofts 1257.1587; 15 Team Neo Vision 1256.8787; 16 J.A. Lombaard Jnr 1256.7827; 17 J.A. Lombaard Jnr 1256.5169; 18 Limbardi 1253.6667; 19 J Steenkamp 1252.2301; 20 J Steenkamp 1251.9565

MOORREESBURG
Beaufort Wes – Jo 2: 29 Augustus
1 Johan V Aswegen 13:00:55; 2 Frikkie Bester 13:12:35; 3 Singleton Hokke 13:14:36; 4 Singleton Hokke 13:15:05; 5 Boetie & Baron Hokke 13:39:05; 6 Singleton Hokke 13:19:07; 7 Charles & John Moor 13:21:11; 8 Die Saunderse 13:21:40; 9 Frikkie Bester 13:23:14; 10 Frikkie Bester 13:27:21; 11 MBA Lofts 13:51:32; 12 KB En Seun Moor; 13 Charles & John 13:31:09; 14 Frikkie Bester 13:31:48; 15 Die Saunderse 13:31:18; 16 Singleton Hokke 13:33:04; 17 Frikkie Bester 13:33:28; 18 Boetie & Baron Hokke 13:57:38; 19 Henna & Melt Smit 13:33:30; 20 Frikkie Bester 13:34:33

Beaufort Wes – Ope
1 Charles & John 14:13:02; 2 Singleton Hokke 14:14:52; 3 MBA Lofts 14:39:07; 4 Frikkie Bester 14:16:08; 5 Frikkie Bester 14:16:12; 6 Singleton Hokke 14:19:59; 7 Henna & Melt Smit 14:23:44; 8 Charles & John 14:23:37; 9 Henna & Melt Smit 14:25:47; 10 KB En Seun 14:26:54; 11 Henna & Melt 14:28:39; 12 Charles & John 14:28:55; 13 Singleton Hokke 14:30:17; 14 Die Saunderse 14:29:11; 15 Charles & John 14:33:07; 16 KB En Seun 14:33:49; 17 Frikkie Bester 14:36:14; 18 Frikkie Bester 14:39:08; 19 Frikkie Bester 14:40:16; 20 Cloete Hokke 15:08:22

Beleggings op MRB

Die inwoners van Moorreesburg kan uitsien na groot beleggings in die toekoms van hul dorp.
Die nuwe beleggings wat vir die dorp beplan is, gaan verskeie geleenthede skep en sal Moorreesburg in die komende maande en jare ondersteun.
Swartland Munisipaliteit het hierdie inligting met die Moorreesburg Sakekamer gedeel op ‘n spesiale (COVID-19 onderhewig) vergadering op 25 Augustus 2021.
Die munisipaliteit, as gasheer, het inligting gedeel oor eie projekte terwyl verteenwoordigers van SANRAL en die Wes-Kaapse regering ook genooi was om hul projekte met inwoners te deel.
Die Munisipaliteit is tans besig met een van die grootste kapitaalprojekte in die geskiedenis van Moorreesburg. Die opgradering van die afvalwateraanleg het reeds in Oktober 2020 afgeskop en sal na verwagting in Januarie 2023 voltooi word. Die begroting vir die projek beloop R122 miljoen (BTW uitgesluit) en sal die ou fasiliteit wat uit 1975 dateer vervang. Die bestaande fasiliteit het die einde van sy funksionele leeftyd bereik. Die nuwe aanleg se kapasiteit beloop 1,5Ml/d. Die tegnologie wat ingespan word, word wêreldwyd gebruik en staan bekend as ‘n denitrifiserende geaktiveerde slykstelsel en sal ‘n meganiese ontwateringstelsel insluit.
Die Wes-Kaap se regering is tans besig met die bou van ‘n nuwe hoërskool in die dorp. Die behoefte aan ‘n hoërskool is reeds ‘n geruime tyd ‘n prioriteit vir die inwoners van Moorreesburg en die nuwe skool sal voorsiening maak vir meer as 880 leerders. Die skool sal beskik oor 24 algemene klaskamers, 1 veeldoelige klaskamer, ‘n spesiaal ingerigte klaskamer vir fisiese en chemiese wetenskap, ‘n multimedia sentrum, ‘n skoolsaal, administrasiegebou en ‘n toekoms sportveld. Die totale geraamde koste van die projek beloop R63.3 miljoen. Die eerste graad 8 en 9 leerders sal reeds in Mei 2022 na die nuwe skoolgebou toe kan skuif.
SANRAL begin ook eersdaags met die opgradering van die N7 tussen Rooidraai en Moorreesburg. Die werk behels die opgradering van die padoppervlak, die verbreding van die pad in strategiese areas en die opgradering van strategiese kruisings op die roete. Hierdie opgraderings is veral belangrik vir ons plaaslike landbouers wat hierdie pad elke dag gebruik en staatmaak op die pad vir veilige en betroubare vervoer van hul produkte van en na die plase. Die werk sal ongeveer 36 maande duur en SANRAL sal na verwagting in September 2021 met die mobilisering begin.
Al hierdie projekte gaan ook gebruik maak van plaaslike inwoners vir werksgeleenthede. Burgemeester Van Essen het by die geleentheid gesê: “Nie net word daar belê in die kritiese infrastruktuur vir van ons dorpe nie, maar daar word ook werksgeleenthede vir ons inwoners geskep in hierdie baie uitdagende ekonomiese klimaat”. Munisipale bestuurder, Joggie Scholtz, het beklemtoon dat belegging in, en onderhoud van infrastruktuur die belangrikste werk van ‘n munisipaliteit is om seker te maak ons dorpe bly ekonomies lewensvatbaar en aanloklik vir verdere belegging en groei.
Soos die projekte vorder, sal daar ook deurlopend met die inwoners gekommunikeer word deur die onderskeie rolspelers. Dit is ‘n opwindende tyd vir die inwoners van Moorreesburg wat definitief baie baat sal vind by hierdie verwikkelinge.

Betrekkings

Damvlakke in die Wes-Kaap

Met die afgelope week se reën en sneeu, het die damvlakke van die watervoorsieningskanaal van die Wes-Kaap aansienlik gestyg. Die Voëlvleidam, die Swartland se enigste bron van water, is nou 96.3% vol, met die bergpieke rondom die dam wat wit is onder die sneeu.
Koue weer word vir die res van die week voorspel, met volgende Woensdag wat ‘n styging tot 23 grade sal sien. Reën word ook voorspel vir Vrydag en Sondag.
Die temperature wissel tussen ‘n minimum van 4 grade tot ‘n maksimum van 18 oor die komende week, met die uitsondering van Woensdag.

Bron: www.yr.no

Join the plant one million trees movement

South Africa celebrates Arbor Week in the first week of September annually. The Department of Agriculture, Land Reform and Rural Development (DALRRD), as the custodian of forestry in South Africa, is responsible for the campaign.
September is also heritage month and as we celebrate Arbor Week, the department also focuses on the country’s champion trees which include some of the oldest, largest and culturally significant trees. These include the Sophia Town Oak Tree and the Sagole Baobab Tree in Limpopo, which are part of our heritage.
National Arbor Week is an opportune time to call on all South Africans to plant indigenous trees as a practical and symbolic gesture of sustainable environmental management.
It affords the government, the private sector, non-governmental and community based organisations and the public to be involved in “greening” their communities. Planting trees and greening human settlements takes place in communities.
It is therefore important for the public to join hands with partners in local government and community-based organisations.
Greening refers to an integrated approach to the planting, care and management of all vegetation in urban and rural areas, to secure multiple benefits for communities
Greening in the South African context takes place in towns, townships and informal settlements specifically because in the past the latter mentioned areas were disadvantaged in terms of planning for parks as well as tree planting in streets and open spaces.