Die atlete van die Hoërskool Swartland op Malmesbury het verlede week kragte gemeet met die spanne van Hugenote Hoërskool van Wellington en Melkbosstrand in vanjaar se interskole-atletiekkragmeting. Hugenote het die atletiek- en sangbeker gewen. Hier is Swartland se dirigente, wat die ondersteuners op die pawiljoen aangevuur het. Hulle is Cecilia Lambrecht, Kayla le Grange, Athi Gali, Lelethu Sodlulashe, Imraan Sulaiman en Theonè Krüger. Foto: Cor Cronjé

Helpende Hand: Die Solidariteit Helpende Hand-organisasie het hulle tak verlede Maandag op Malmesbury geopen. Hierdie organisasie fokus op diegene wat behoeftig is en nie staatshulp ontvang nie. Kontak Jeanie Wiese (voorsitter) by jeanie.wiese@gmail.com indien jy betrokke wil raak. Hier is Jacobus Basson (regs agter – ondervoorsitter), Jeanie Wiese en tweede van links voor is Alicia Visser (sekretaresse).

Dagboek solank die datum vir Malmesbury se volgende Sakekamer lede-aand wat op 23 Februarie om 19:00 in die Freek Standersaal (Olok) plaasvind.
Anthony Corin van SlimSun Swartland Solar Park buite Malmesbury is die spreker oor: Elektrisiteit/energie-perspektief afwerkend vanaf makro-skaal (internasionaal en nasionaal), na mikro-skaal (dorp en besighede in Swartland).
‘n Vingerete en kontantkroeg sal beskikbaar wees. Kostes is R80 per persoon vir lede en R100 per persoon vir nie-lede. Alle belangstellendes is welkom. Bespreek asb betyds by info@sakekamer.co.za

Die kykNET Buite Ekspo Wes Kaap word weer die jaar by Môreson Plaas net buite Malmesbury
aangebied en dit vind plaas die naweek van 25tot 27 Maart 2022. Streng Covid-19-protokol sal
in plek wees soos vereis om almal te beskerm op terrein.
Die ekspo beloof weer om soos altyd iets vir almal te bied. Die fokus is soos altyd op die talle
buitelewe uitstallers wat van die nuutste produkte tans beskikbaar het in die buitelewe- kampeer-
en 4×4 mark. Onthou die geleentheid word in ‘n veilige plaasatmosfeer aangebied en alle
uitstallings word aangebied soos wat dit werklik gebruik sou word deur die koper.
Daar word weer verskeie aktiwiteite aangebied as deel van die ekspo. Hierdie jaar is Action
Ford Malmesbury weer aan boord met die Ford Raptor-ervaring, waar die publiek GRATIS saam
met ervare bestuurders kan saamry en sien waartoe hierdie ongelooflike voertuig in staat is.
Kom ervaar ook die gewilde helikopter ritte en bekyk die Swartland uit die lug. Daar sal weer
‘n lekker braaikompetisie aangebied word saam met Jimmy’s Sauces en kykNET akteurs en moenie
vergeet van ons Hankook-kunstenaars wat gaan optree nie, onder andere Rooies en sy orkes,
Desmond Wells, Johan Liebenberg, Wynand Windpomp, Dewald Dippenaar, Chereé, Amoré
en Early B!
Kom ry ook GRATIS saam die immergewilde ‘Mnr 4×4’ in sy VW Amarok – André de Villiers
van André 4×4 en aanbieder van Safari 4×4 Roetes op kykNET. Hierdie ervaring is iets wat nie
gemis mag word nie!
Oudergewoonte sal daar nie teleurgestel word met die ‘vloeibare verversings’ nie en dit
beloof om weer uit die boonste rakke te wees asook ‘n groot verskeidenheid beskikbaar – enigiets
van ‘n verskeidenheid wyne in die Swartland Wynkelder-wyntuin (met heerlike kos wat
hierby pas), tot bier en jou gunsteling hardehout en nog meer. Daar sal ook ‘n groot verskeidenheid
kosverskaffers wees en wie kan nou nee sê vir lekker feeskos.
Vir die dames sal daar ‘n kuns- en snuffelmark wees waar daar ‘n groot verskeidenheid van
kwaliteit produkte beskikbaar sal wees. Ons het ook nie vergeet van die kinders nie en
daar sal ‘n lekker groot pretpark wees en Lollos en Lettie verras weer die Sondagoggend met een
van hulle treffer vertonings.
Onthou alhoewel ons baie aktiwiteite aanbied, bly die fokus natuurlik op die top klas buitelewe
uitstallings.
Beperkte kampering is beskikbaar op terrein – stuur asb ‘n epos aan admin@moresonmalmesbury.
co.za en dan kan ons puik ‘glamping’ tente bespreek word by ryno@you2camp.com.
Dagbesoeker kaartjies sal binnekort beskikbaar wees by ticketmaster.co.za en ook by die
hekke gedurende die ekspo. Probeer asb aanlyn kaartjies koop indien moontlik – dit vergemaklik
dinge by die hekke!
Besoek gerus ons webwerf by www.ekspo.co.za en alle navrae kan gerig word aan Tersia by
accounts@ekspo.co.za.

Chery Automobile Co., Ltd. was founded in 1997 and is now available in Malmesbury as part of the Fuzion Motor Group, owned by John Trollip.
This includes JB’s Nissan, Chery Malmesbury and Perdeberg Motors.
Cherry is a globalized automobile brand located in China.
Over the past 20 years, Chery has always insisted on independent innovation, established R&D centers in China, Germany, United States and Brazil. It also has established a global automotive R&D team of more than 5,500 people – thus gradually establishing the holistic technology and product R&D system. In this way, Chery has successfully created product brands such as Arrizo, Tiggo, and high-end EXEED brand with cumulative global sales of more than 8.3 million units.
Chery has implemented a globalization strategy since its establishment and has become the first passenger car company in China to export complete vehicles, CKD parts, engines, manufacturing technology and equipment to the global market. Up to now, Chery has exports in more than 80 countries and regions, establishing more than 1,500 sales and service outlets with more than 1.6 million accumulative export volume, remaining the biggest exporter passenger vehicles in China for 17 years in a row.
Chery and Jaguar Land Rover Motors jointly invested in the establishment of Chery Jaguar Land Rover Motors Co., Ltd., which is China’s first Sino-British joint venture high-end automobile company.

Nuwe Chery Tiggo4Pro is een om oor huis toe te skryf

In Bokomoweg op Malmesbury het daar ‘n nuwe handelsnaam opgegaan – dié van Chery Malmesbury.
Wat ‘n aangename verrassing was dit nie om die nuwe Tiggo4Pro te toetsbestuur nie. Hierdie nutsvoertuig is kompak, toegerus met alles wat jou hart begeer en meer en hy gaan nie die petrolstasie van al sy vloeistof beroof nie, want hy is lig op brandstof!
En, sy prys is beslis ‘n groter verrassing, veral as jy kyk wat jy kry. Meer waarde vir geld gaan jy nie sommer kry nie.
Die Tiggo4Pro se intreevlakmodel sal jou slegs R269 900 uit die sak jaag, terwyl die vlagskip R359 900 beloop.
Elektronies is die Tiggo4Pro toegerus met net die beste en nuutste.
Jy kan selfs met die voertuig gesels! Omtrent al die funksies is beskikbaar deur ‘n stem-bevel. Al wat jy moet doen, is om te sê “Hey Chery” en sy sal jou antwoord. Sy sal jou vensters oopdraai, die sondak oopmaak, die lugversorger koeler stel, die radiostasie verander en soveel meer!
Dis ‘n aardigheid om aanvanklik so met jouself te sit en gesels, want dit lyk sekerlik vreemd van buite af, maar dis ongelooflik om te sien hoe die voertuig jou opdragte uitvoer. Al het jy ‘n Afrikaanse-aksent!
Die binneruim is luuks en groot genoeg vir ‘n lang persoon om met gemak met uitgestrekte bene te sit. Die bagasieruim is ook groot met genoeg pakplek vir ‘n gesin om vir ‘n naweek weg te gaan.
Die radiopaneel, wat ook oor ‘n tru-rit-kamera beskik, is yslik groot, helder en van hoogstaande gehalte. Van hier af kan jy ook alle verstellings doen.
Sensors reg rondom die voertuig waarsku jou ook as ‘n voorwerp te naby aan die Chery kom.
Die elektroniese kontrolepaneel aan die bestuurderskant bied jou al die inligting van jou rit wat jy benodig, soos die brandstofverbruik, hoe ekonomies jy bestuur, hoe ver jy nog kan bestuur tot die tenk leeg is en vele meer.
Om jou telefoon te koppel met die radio is ook uiters maklik en alle knoppies is op die stuurwiel rangskik vir jou om met gemak en veilig jou telefoon te antwoord of die radio harder te maak – dis nou as jy nie ‘n “Hey Chery” gebruik nie.
Met sy dubbele uitlaatpype lyk die Chery ook asof hy reg is vir aksie – want hy is.
Hierdie nutsvoertuig laat die naald sommer vinnig klim as jy jou voet neersit.
Die rit is gemaklik en gerieflik en voel luuks.
Hy beskik selfs oor ‘n yskassie tussen die voorste sitplekke, sodat jy jou koeldrank of water kan koel hou in die warm somermaande van die Swartland. Die rathefboom gly ook met gemak tussen die outomatiese kontrole en die triptoniese 9 ratte, wat natuurlik die brandstofverbruik so laag as moontlik hou.
Spoed-beheer maak die rit net nog meer gemaklik. Die wieg van die voertuig laat die kilometers behoorlik onder die wiele verbyrol en voor jy weet is jy by jou eindbestemming.
Al is hierdie nutsvoertuig nie juis klein nie, is hy kompak en hanteer hy gerieflik genoeg om in klein parkeerplekkies in te wikkel, sonder om hard aan die stuurwiel te draai.
Met sy heuwel-klim-beheer, is dit geen probleem om teen enige heuwel of hoogte uit te ry nie.
Selfs die grondpad-rit en gemaklik!
Dis ‘n woord wat oor en oor opduik as jy praat van die Chery Tiggo4Pro – gemak en luuks.
Moenie wegskram van die nuwe handelsnaam nie, bespreek ‘n toetsrit – jy sal aangenaam verras word deur hierdie nuweling!
Kontak Chery Malmesbury by 022 482 1124 om jou toetsrit van hierdie nutsvoertuig te bespreek.

Julie Robyn is ‘n welbekende inwoner van Moorreesburg en staan beter bekend as Oom Julie.
Oom Julie is gebore op 15 Julie 1936 op die plaas Middelpos in die Moorreesburg distrik. Hy is vernoem na sy geboorte maand Julie.
Hy het as kind geen skoolonderrig ontvang nie en moes vroeg in sy lewe gaan werk om by te dra tot die huis. Hy het tog die geleentheid gekry om as senior aandskoolklasse te loop by Laurie Hugo Primêre skool.
Oom Julie ontmoet sy lewensmaat Sophia Adams in 1957 en in die laat sewentigerjare tree hy in die huwelik met haar.
Tien kinders word uit die huwelik gebore waarvan vier nie volwassenheid bereik het nie.
Oom Julie werk vir meer as 40 jaar op onderskeie plase. In 1944 begin hy op die plaas Visserskraal te werk.
Daardie jare was dit moeilike, rugbreekwerk en jy moes soggens bitter vroeg tot laat in die aande werk. Oom Julie begin 1959 op die plaas Pampoenkraal te werk tot en met 1965. Daarna gaan werk hy vir 14 jaar op die plaas Springleskraal.
Uiteindelik verlaat hy die plaaslewe en kom werk in 1975 by Moorreesburg Munisipaliteit waar hy vir 24 jaar diens doen. In 1978 begin hy te dien op die kerkraad van die NG Sendingkerk Kerk waar hy dien tot en met 2012.
Hy dien op verskeie rade in sy gemeenskap en was ook ‘n groot voorstaander by skoue waar dit kom by demonstrasies oor die plaaslewe van toeka se dae.
Alhoewel oom Julie geen skoolonderrig gehad het nie , is hy ‘n groot dienswerker van Sy Vader en is nog steeds besig om die gemeenskap van Moorreesburg tot vandag toe te bearbei .
Sy getrouheid aan God oor die jare is ‘n bewys dat die Vader nederige mense gebruik om sy dienswerke te voltooi.
Oom Julie word vanjaar 86 jaar oud! Die meeste van sy vriende het hom al ontval.
Hy doen nog gereeld huisbesoeke en as jy sien is oom Julie iewers heen op pad, kierie in die hand, altyd besig om naasteliefde aan sy medemens te gaan betoon.

Bron: Koringbedryfmuseum

Borg: Buildit Malmesbury is ‘n groot rugbyaanhanger en ondersteun die plaaslike Wesbank Rugbyklub ten volle. Hulle het onlangs hul ondersteuning gewys toe hulle die klub van 30 t-hemde voorsien. Hier is Martin Bocks, Tertius Viviers (eienaar Build it), Dirk Dippenaar (bestuurder Build it), Divan Green, Hennie Lategan en Ashley Lotz.

Die rugbyspanne van Never Despair het Saterdag op tuisbodem teen die span van Young Hearts van Pella gespeel. Young Hearts het geseëvier met 33-28. Foto’s: David Howburg

Malmesbury se mansrolbalspan het die afgelope Saterdag ‘n sterk span van Plumstead met die kous oor die kop terug gestuur na die suidelike voorstede in die WP Vlag-liga.
Daniël Griebenauw, Marius Huysamen, Lodewyk Lesch en SG Basson vertoon weer baie goed en vertrap hulle opponente 27-13 wat 6 skote op die 15 skof insluit.
Hulle wen die eerste stel 7-3, is ongelukkig om die 2de 5-6 te verloor, maar oorrompel hul teenstaanders in die laaste stel met 15-4. Alhoewel almal goeie spel gelewer het, het die bloedrooi balle van SG regdeur gevaar voorspel deur na aan die wit bal te lê. Wat bes moontlik die span aangevuur het om die teenstaanders te looi, was die uiters negatiewe houding van hulle opponente skip.
Die span van Roux Vermeulen, Brian Howell, Jehan van Niekerk en Rainier van Zyl skop goed af en wen die eerste stel 6-4. In die tweede gee hulle 5 skote af om uiteindelik 3-9 die knie te buig. Met die aanbreek van die laaste skof is hulle 13-17 agter en gelykop 4 elk in die stel. Hulle moes tevrede wees met 3 skote, met 2 balle wat, ná daar gemeet is, net-net nie tel nie.
Hulle verloor dus 16-17, maar Malmesbury verdien 8 waardevolle punte op die punteleer teenoor Plumstead se 4.
Dit plaas Malmesbury nou in die tweede plek, maar hulle sal Saterdag gefokus moet bly en nie voet van die pedaal afhaal weg teen die melkkoeispan van Edgemead nie.
Die span in die WP Driespel-liga het na Kuilsrivier gereis en kom huistoe met 1,5 punte.
Die span van Deon Bosch, Jeff Petersen en Cobus Vermeulen wat sy debuut gemaak het, verloor die eerste stel naelskraap met 4-5, haak daar vas deur geen punte in die tweede stel aan te teken nie en gee 11 skote weg. Hulle konsolideer in die laaste stel om 5 elk te eindig en verloor dus 9-21.
Die span van Altus Myburgh, June Rickett en Tia Petersen is ongelukkig om 16-18 te verloor. Hulle verloor die eerste 5-7, wen die tweede 7-3, en verloor die derde 4-8. Hulle speel Saterdag tuis teen Parow.
Die keurders is sover tevrede dat hulle raak gevat het met hulle keuses en bly oor hoe kompeterend die onervare spelers is.
Intussen is die klubpare-kampioenskap verlede Dinsdag beslis. ‘n Groot skare is getrakteer met skitterende rolbal, wat deur baie as die beste eindstryd in ‘n lang ruk bestempel is. Paul Rossouw en Rainier van Zyl, wat bo-aan die punteleer geëindig het, het te staan gekom teen Roux Vermeulen en Jehan van Niekerk, wat derde was. Na 4 skofte is Paul-hulle 6-1 voor, na 11 skofte 9-11 agter, net om dit 12 elk na 12 te maak. Op die 18de is dit 17 elk, en knaag die senuwees aan beide die goeie vriende Rainier en Jehan.
Drie skote op die 19de het stellig die wedstryd finaal in Roux en Jehan se guns geswaai, met die eindtelling 21-18.
Die klub se Driespel- en Enkelspel-kampioenskappe het hierdie week begin en albei die kompetisies beloof om goeie rolbal te lewer.