By Swartland Hulp- en Begrafnisdienste is dinge aan’t gebeur

Nie net het die begrafnisondernemer se naam na engels oorgeskakel nie, maar die kenteken-kleure het ook verander.
Hulle het ook verder uitgebrei deur nuwe voertuie tot die vloot te voeg.
Swartland Hulp- en Begrafnisdienste was die eerste in die omgewing wat die ‘verby-ry-begrafnis’ plaaslik aangebied het.
Volgens Cedric van der Westhuizen van Swartland Hulp- en Begrafnisdienste, was veranderinge broodnodig, want die onderneming se stoorfasiliteite het te klein begin raak.
By die nuwe stoorfasiliteit beskik hulle oor ruimte vir 50, in pleks van die 12 wat hulle in die vorige stoorplek kon hanteer.
“Covid-19 het ‘n groot finansiële implikasie, nie net vir die besigheid gehad nie, maar ook vir die hele land, wat onder die pandemie gebuk gegaan het. Ons as begrafnisondernemers moes uit ons begroting ‘n groot ‘hap’ vat om regulasies in plek te sit en te verseker dat ons personeel en kliënte beskerm word deur die pandemie,” vertel Van der Westhuizen.
“Ons streef om te alle tye ‘n professionele diens aan die gemeenskap en publiek te lewer en te verbeter op kwaliteit dienslewering.
“Alle eer aan die Here, want dit is net Sy genade wat vir ons oorvloedig is. Ek glo in die Bybel wat sê dis saliger om te gee as om te ontvang. Hoe meer ek gee en terugploeg in die gemeenskap, hoe meer seën die Here die besigheid.
“Groot dank aan al die geestelike leiers wat vir ons elke dag bid.
“Spesiale dank aan my vrou, kinders en familie vir hul onbaatsugtige ondersteuning. Baie dankie aan my personeel en naweek span vir hulle opoffering en bydrae.
• Besigheidsure: 8:30 tot 16:30
• 24/7 op bystand vir
enige sterfgevalle
• Kantoor: 022 486 4735
• Selfoon: 072 540 6785

Open chat