Malmesbury Toyota, onder die bestuur van Thom Orchard, het onlangs die toekennings behoorlik ingepalm.

Thom, handelaarshoof, het die presidentstoekenning ontvang in die medium-afdeling as Handelaar van die Jaar. Koos O’Kennedy is ook vereer met die toekenning vir die beste Nuwe Voertuig Verkope in Suid-Afrika in die medium-kategorie. Volgens Orchard sou hierdie toekennings nie moontlik gewees het, as dit nie vir die span van Malmesbury Toyota was nie.

“Elke persoon hier het hul deel gedoen, was toegewyd en het presteer. Hierdie sou glad nie moontlik gewees het sonder hulle nie.” Hier is die drie Orchard-direkteure van Malmesbury Toyota, Thom (handelaarshoof), Robert en Guillaume (werkswinkelbestuurder).