Die Swartland se wyne het by die afgelope Veritas-toekennings weer goed gevaar met Meerhof Kelder wat die voortou geneem het.
Blake Family Wines het ‘n silwer vir hulle 2018 Amethyst Cape Blend ontvang en brons vir hulle 2021 Chenin Blanc, 2020 Single Vineyard Malbec en hul 2020 Tourmaline.
Darling Cellars het vir hul 2020 Winemaker’s Selection Sauvignon Blanc/Chenin Blanc ‘n goue toekenning ontvang.
So ook vir hul Wildflower Hanepoot Jeripigo Sweet Dessert Wine.
Die kelder se wyne het ook talle silwer en brons medaljes ingepalm.
Groote Post Vineyards het dubbelgoud vir hul 2021 Sauvignon Blanc ontvang. Hulle het ses toekennings ontvang, onder andere twee silwer en ‘n brons.
Meerhof Wines het ‘n dubbelgoud vir hulle 2020 Meerhof Shiraz/Grenache Noir ontvang.
Hulle het ook twee uitstaande silwer toekennings ontvang, nege silwer en drie brons toekennings.

Ormond het uitgestaan met hul 2015 Ondine Cabernet Franc en hul Ondine Chenin Blanc 2010. Hulle het
ook twee silwer medaljes en ‘n brons ontvang.
Pulpit Rock het dubbelgoud vir hul Brink Family Vineyards Sauvignon Blanc 2021 ontvang.

Hulle Brink Family Vineyards Merlot 2019 het ook ‘n goue toekenning ontvang. Verder het hulle drie silwer en vier brons-toekennings ontvang. Riebeek Valley Wine Co het vir hul Riebeek Cellars Collection Shiraz 2020 ‘n uitstaande silwer ontvang.
Verder het hulle drie silwer en twee brons toekennings ontvang.