Met swaar reënneerslae wat die afgelope week oor die Swartland ervaar is, het die Voëlvleidam, die streek se enigste bron van water vanaf 67.8% na 76% gestyg.
Die totale voorsieningsnetwerk van die Wes-Kaap se vlak het ook gestyg vanaf 89.2% tot 93.2% die afgelope week.
Die Bergrivierdam is nou 100.6% vol, terwyl dit in die droogtegeteisterde 2017 37.4% vol was.
Die Laer-Steenbrasdam spog met ‘n watervlak wat op 79.5% staan, in vergelyking met verlede week se 76.3% en 2017 se 29.2%.
Die Theewaterskloof is 99.6% vol.
Die dam se vlak het gestyg vanaf 95.8% verlede week.
In 2017 was hierdie dam op dieselfde tyd 20% vol.
Die Voëlvleidam se damvlak het in 2017 op 20.5% gestaan.
Ten opsigte van die reënvalsyfer is daar op 8 Julie 15mm aangeteken by die Voëlvleidam, wat die totaal vir Julie-maand so ver op 75mm te staan bring.
Die langtermyngemiddelde reënvalsyfer in dié gebied is 101.1mm.
Bron: www.capetown.gov.za