Die Yzerfontein Spar, een van die anker-winkels in die Ocean Village-sentrum op hierdie kusdorp van die Swartland, is verlede week vereer toe hulle die toekenning as die beste Spar-winkel in die land ontvang het. Hierdie winkel het onlangs na die nuwe perseel verhuis, vergroot, vernuwe en verbeter op die bestaande winkel wat oorkant die pad van hierdie sentrum was. Onder die eienaarskap van Jason en Ashleigh Nel, het hierdie winkel uitgebrei en talle toekennings die afgelope paar maande ingepalm.