South Africa is going through a well-documented economic hardship and this has been perpetuated by our current energy provision woes. Load shedding undoubtedly places strain on our daily operations, however, with people Working From Home (WFH) it has added an additional layer of complexity.

Managing the output
When the country is in the midst of load shedding, each area in the respective metropoles gets its turn according to a set schedule and stage. And yes, this makes sense to shed the load so to speak but when three of your team members come from three different metropoles in three different provinces, it gets tricky.
How do you ensure that all employees and clients are available at an allocated time, circumventing scheduled load shedding and the resultant connectivity and power supply issues?

It’s not just a productivity problem
Also, load shedding does not only lead to loss in productivity but is also potentially harmful to equipment such as notebooks, desktops and connectivity as surges, when the power is restored, can be incredible damaging. Furthermore, brownouts are equally harmful as equipment is receiving a low current (voltage is too low) which is often the case when the grid is under pressure.

The above is further exacerbated by constrained cashflow due to COVID-19; companies and individuals simply don’t have the money to invest in state-of-the-art alternative energy sources or new equipment.

What you can control
So, where does this leave us particularly when load shedding is announced suddenly and we all have to scramble to ensure our laptops and phones are charged, crossing fingers that closest cellular tower’s backup battery will last?
A good place to start is evaluate what steps you can implement that are practical and importantly attainable. The first logical step is to – if possible – backup your work and charge your notebook. It might seem like a no-brainer but often we lose track of time and are caught unaware.
Second, if you are WFH, start looking at alternative energy sources such as an Uninterrupted Power Supply ( UPS ) which isn’t overly expensive, and depending on the specifications, can power, at the very least, your notebook and connectivity devices.
A UPS also has a second, especially important, function. It will protect your (UPS connected) hardware against power surges and brownouts as it has been designed to regulate your energy supply and take the hit in the event of a massive power surge.
If possible, also try and upgrade some of your aged hardware. Newer options today are designed to be less susceptible to complete hardware damage and usually it’s just the power unit, in insolation that is affected. This is far cheaper to replace than your entire notebook.

Staying connected
During load shedding, the idea is to stay connected to the Internet. Currently, SA has various connectivity options available but fibre and cellular network connectivity such 4G and 5G seem to be leading the charge.
The question therefore begs what connectivity is the best when you’re stuck without power? Fibre providers typically have the necessary backup power systems in place to ensure that their service stays uninterrupted.
Here, however, you will need a UPS or other alternative energy source to ensure that your fibre Optical Network Terminal ( ONT ) and router are connected to provide Internet access.
Cellular options such as 4G and 5G are also quite readily available options, however, the network does start experiencing lag and packet loss if it becomes too congested which is often the case during load shedding.
Also, when load shedding is persistent, the individual cellular towers don’t have enough time to recharge their backup battery systems, again resulting in poor or no coverage.
From the above, it is apparent that there are some steps that can be taken to overcome some of the woes of load shedding -it need not cost an arm and a leg and will go a long way in preserving productivity.
Businesses not only need to ensure they take the time to understand when their employees will be affected by power interruptions, but they also need to ensure that their hardware is protected. This can be done through asking the right technology provider for their expertise on the matter, helping the company understand what technology to acquire. A technical expert can also assist in making sure that the business and its employees who now WFH are connected. Organisations should act now to protect their hardware and maintain productivity during load shedding thereby enabling Business Continuity (BC). Source: https://iafrica.com/

Die Swartland motorfietssaamtrek, bekend as die Swartland Rally is ‘n jaarlikse liefdadigheid geleentheid wat op die Swartland-skougronde op Moorreesburg plaasvind. Die eerste saamtrek het in 2012 plaasgevind en dit het deur die jare al hoe meer gewild geword.
Dit is gedurende die afgelope 3 byeenkomste deur ongeveer 900 besoekers per geleentheid ondersteun en word as een van die 5 grootste motorfiets saamtrekke in die Wes-Kaap beskou.
Die verskil tussen die Swartland Rally en die meeste ander motorfietssaamtrekke, is dat Swartland Rally ‘n gesinsgeleentheid is en dat dit ook vir kinders voorsiening maak.
Ek het vir Francois en Philinda Kitshoff oor ‘n koppie koffie by Moorrees-restaurant ontmoet om meer uit te vind oor die saamtrek. Hulle boer op die plaas Skerpkop buite Moorreesburg.
Philinda vertel dat Francois en sy bewus geraak het van die finansiële behoefte by die ouetehuise en kinderhuis op Moorreesburg nadat Francois se ouers van die plaas af na ‘n woonstel getrek het by Huis Moorrees. Hulle wou graag iets doen wat ‘n wesentlike verskil aan die situasie kon maak.
Francois is bevriend met motorfietsryers en het ‘n bietjie met die manne gesels. Sy aanvanklike idee was om ‘n klompie motorfietsryers plaas toe te nooi en daar ‘n braai te hou. Hy sou dan sommer ‘n hoed omstuur en vra vir donasies wat aan die instansies geskenk kan word.
Namate hy die idee getoets het by die motorfietsryers en met verskillende klubs in aanraking gekom het, het hy besef dat die belangstelling veel groter is as wat hy met ‘n plaasbraai kan hanteer. Daar was ‘n behoefte aan ‘n goed georganiseerde saamtrek in ‘n veilige omgewing, waar daar heel naweek gekuier kan word, maar wat ook die vrouens en kinders betrek.
Francois het begin dink aan ‘n geskikte perseel. Hy het gewik tussen die Gene Louw-sportstadion op Moorreesburg en die plaaslike Swartland Skougronde.
Hy moes mooi onderhandel om uiteindelik toestemming vir die geleentheid by die skougronde se bestuur te kry en daar is op duidelike voorwaardes ooreengekom.
Die eerste saamtrek het in 2012 plaasgevind en was ‘n groot sukses.
Aanvanklik is die meeste van die organisasie en fisiese werk deur Francois en Philinda self gedoen. Met die tyd is Erhard Koch en Chris Swanepoel betrek as deel van die bestuur. Chris is vier jaar gelede oorlede in ‘n ongeluk.
Die Swartland Rally vind jaarliks plaas gedurende die eerste naweek in April, met uitsondering van 2020 en 2021 wens die inperking maatreëls.
Gedurende die afgelope drie jaar was die saamtrek uitdagend vir Francois en Philinda. Soos genoem was daar geen byeenkoms gedurende 2020 nie.
Die registrasiefooi van besoekers moes terugbetaal word. Uitgawes was egter reeds aangegaan en T-hemde was gedruk met 2020 daarop. In 2021 het die situasie grotendeels herhaal toe die byeenkoms weer moes afgestel word.
In 2022 was Philinda baie siek en sy kon nie loop nie. Sy kon dus nie vir Francois bystaan met die
reëlings nie. Hulle dogter Mariaan, het ingespring en raakgevat waar nodig en het help verseker dat die afgelope 2022 byeenkoms ‘n sukses kon wees.
Die byeenkoms is ‘n besonderse ervaring vir die inwoners van die dorp. Die motorfietsryers wat in groot getalle opdaag is reeds ‘n belewenis vir die plaaslike inwoners.
Die hoogtepunt is die skouspelagtige “mass ride” waartydens daar deur die dorp gery word. Aan die voorpunt ry trekkers met sleepwaens waarop die mammas en kinders ry en sodoende kan deel hê aan die optog, gevolg deur die klomp motorfietse in gelid.
Philinda vertel van die tannie wat die motorfiets besoekers deur haar kamervenster by die ouetehuis aanskou het. Sy wink toe vir Philinda nader en wys na een van die motorfietsryers. Die tannie sê vir Philinda, dit is haar seun Alfonso en sy vra dat hy haar moet kom groet. Alfonso het toe lekker met sy ma gaan gesels, sommer so deur die venster. Die optog is later daar weg en lankal terug by die skougronde toe Alfonso eers weer daar opdaag. Toe Philinda vra of hy lekker by sy ma gekuier het antwoord hy, “My naam is nie Alfonso nie en die tannie is nie my ma nie.”
…vir daardie dag was hy die tannie se seun en sy was gelukkig omdat sy met haar seun kon gesels.
Vir die besoekers is dit ‘n unieke avontuur. Hulle kan vir hulle akkommodasie inrig in die perdestalle waar hulle kom “glamping” doen.
Van die mense arriveer met karavane en sommige kom kamp op die perseel. Die terrein word beveilig deur ‘n sekuriteitsmaatskappy wat wagte plaas op die terrein.
Die hekke open Vrydag oggend om 08:00 en om 10:00 word die vure aangesteek. Daar word die hele naweek gebraai, kos gemaak en vuur gemaak tot Saterdag middernag.
Daar is ‘n verskeidenheid stalletjies wat verskillende items verkoop. Vanselfsprekend is daar vir elke motorfiets saamtrek ‘n T-hemp en lapel wapen (badge) te koop. Die manne is gretig om hulle ‘badges’ te kry om op hulle oor-baadjies te vertoon.
Die meeste van die naweek se opbrengs word aan die plaaslike instansies geskenk. Van die fondse word vir gestremdes in St Helenabaai geskenk en ‘n deel van die fondse word as bydraes geskenk aan spesifieke behoeftes by deelnemende motorfiets klubs.
Voor die saamtrekke, samel die organiseerders donasies in by die boere in die distrik en ook by die plaaslike abattoir. Die gemeenskap ondersteun graag die projek en daar word so ongeveer 15 skape en ‘n heel vark gebraai gedurende ‘n naweek.
Die program begin Vrydag middag so teen 16:00 en Vrydag aande is die hoogtepunt van die naweek.
So teen 18:00 op Vrydag word die verwelkoming gedoen.
Dan begin die musiek kunstenaars optree en so teen 20:30 word “Miss Rally” junior en senior aangewys. Die kriteria vir “Miss Rally “ is die beste “cheer”. Die dame wat die beste reaksie van die mense kry, is die wenner.
Saterdag oggend begin met ‘n ontbyt vir ongeveer 1000 mense.
Gedurende die 2022 saamtrek het die VGK Kerk van Moorreesburg die ontbyt voorberei.
Die spyskaart vir die dag sluit ‘n keuse in van:

• Braaivleis;
  -Skaap vaal pot;
  -Beesstert Pot;
  -Afval Kerrie pot;
  -2 Skilpadjies op ‘n stokkie;
• Spitbraai en broodrolletjie;
  -Hoendersosatie en broodrolletjie
  Al die kos wat oorbly word geskenk waar behoeftes is. Die oorblywende rou vleis word verdeel as skenkings tussen die ouetehuis en die kinderhuis.
  Die Swartland Rally is ‘n groot geleentheid, beide in omvang en in die finansiële verskil wat dit vir die plaaslike instansies maak.
  Francois deel met my dat hy maar onlangs weer self begin motorfiets ry het nadat hy ook ‘n gesondheid terugslag beleef het. Hy vermy maar die stadsverkeer, maar geniet die vryheid om weer te kan ry.
  Hy sou graag wou sien dat daar jonger mense wat lief is vir motorfiets ry en ook ‘n hart het vir die plaaslike gemeenskap betrokke raak by die organisering en bestuur van die Swartland Rally.
  Ons groet en vertrek.
  Ek is besonders beïndruk met die onbaatsugtige gesindheid van Francois en Philinda Kitshoff om sonder winsbejag ‘n groot verskil te maak in die gemeenskap van Moorreesburg.
  (Fotos met toestemming van Francois Kitshoff en met erkenning aan Derick Batt)
  Cobus van der Merwe
  FB: Ontdek Moorreesburg

Weskus Toerisme in samewerking met Wesgro en die Cape Tourist Guide Association het ‘n groep toergidse en toer operateurs vir vyf dae in die Weskus verwelkom met die doel om nuwe toerisme produkte blootstelling te gee. Covid-19 het verskeie toerisme produkte tot stilstand geruk en daarom word verskeie bemarkings- en ontwikkelings programme deur Weskus Toerisme van stapel gestuur om die industrie ’n hupstoot te gee.
Die toergroep se besoek het gefokus op die Kultuur en Erfenisroete binne die Weskus. Van die besienswaardighede wat in die Weskus besoek was sluit in Diepkloof Rock Shelter, Weskus Fossielpark, ! Kwa ttu, Sevilla Rotskuns en Truitjieskraal/Matjiesrivier Reservaat.
Volgens die skakelbeampte by Weskus Distriksmunisipaliteit, Heinrich Robertson, wie die groep toegespreek het, is dit ’n groot voorreg vir Weskus Toerisme om hierdie groep in die streek te ontvang. “ Die nasionale inperking het ‘n massiewe impak op die toerisme bedryf en die plaaslike ekonomie gehad. Ons sien die toerisme bedryf as ’n groot dryfveer om plaaslike ekonomiese groei te bewerkstellig en daarom werk ons saam met verskeie agentskappe en rolspelers om soveel moontlik blootstelling aan ons diverse en unieke streek te gee. Ons hoop dat julle met groot groepe toeriste sal terug wees in die streek” het Robertson gesê.
Weskus Toerisme het ook die streek by die Karvaan Skou in Gauteng en by World Travel Market Africa bemark om meer besoekers na die streek te lok.

Irish-Lee Petersen kan ‘n hele paar manne ‘n ding of twee leer wanneer dit kom by bou.
Op 32 jarige ouderdom het sy al genoeg huise gebou om ‘n klein dorpie te huisves.
Sy vertel dat sy reeds vanaf haar tienerjare geen belangstelling getoon het in die konvensionele dinge wat jong meisies interessant vind nie.
Haar hande was gedurig vuil weens twee werke, een by ‘n paneelklopper en die ander by ‘n motorwerktuigkundige, wat sy moes balanseer.
Sy noem ook opgewonde, en met pragtige gemanikuurde naels, dat dit haar geweldige genot verskaf om haar hande vuil te maak.
Ek is skoon stom geslaan deur hierdie pragtige jong vrou, wat al vir die afgelope 15 jaar haar weg baan, in verskeie velde wat grotendeels deur mans oorheers word.
In 2012 begin sy by Transnet werk as deel van ‘n groep wat fokus op die bou van brûe.
Sy het ‘n oorpak en stewels gedra en was die enigste vrou.
Haar toewyding en passie het mettertyd daartoe gelei dat sy in beheer was van ‘n span wat uit ‘n 100 mans bestaan het.
Dit was egter in 2017, na ‘n projek in Hopetown en die feit dat sy vir ‘n jaar weg was van haar man en kinders, dat sy besluit het om haar eie koers in te slaan.
Sy het haar besigheid, MLI Trading Projects, in 2018 op die been gebring.
Irish-Lee noem dat dit harde werk en uithouvermoë gekos het.
Alle sertifikate moes eers in plek wees voordat sy fisies kon begin bou.
Maar dit het nie lank gevat nie, en in dieselfde jaar het sy haar eerste huis in Yzerfontein gebou. Vanaf daardie oomblik het sy nog nooit weer teruggekyk nie.
Binnekort pak sy haar tasse om ‘n groot projek op die plaas Mziwoxolo in Laingsburg te oorsien.
Dit behels die omskepping van die plaas in ‘n oasis wat stap roetes asook oornagfasiliteite vir toeriste en motorfietsklubs sal insluit.
Haar entoesiasme is aansteeklik en sy vertel gretig hoe hierdie projek werkskepping aan die gemeenskap daar sal voorsien.
Die mikpunt is natuurlik om dit met tyd ‘n self volhoubare fasiliteit te maak.
‘n Aansoek vir befondsing by SEFA is reeds deur haar vennote geloods en hulle hoop dat dit spoedig goedgekeur sal word.
Daar is egter ook ander projekte by die nabygeleë weermagbasis op die horison.
As voorbereiding hiervoor het sy onlangs haar sertifikaat verwerf om asbestos te verwyder.
Dit is duidelik dat haar voete nie gaan grondvat nie en dat sy inderdaad baie besig gaan wees.
En terwyl die passie en opgewondenheid vlak lê verskyn daar ‘n mistigheid in haar oë ten nadenke oor haar gesin.
Sy noem dat dit een van die grootste opofferings is wat sy as vrou moes maak.
Die lang periodes wat sy sonder haar man en kinders moet wees.
Haar dankbaarheid teenoor haar man en kinders is onmeetbaar. Nie net vir hul geduld nie, maar ook vir hul liefde.
Irish-Lee is steeds stomgeslaan oor die ondersteuning wat sy vanuit die gemeenskap ontvang en spreek haar dankbaarheid

Darling Rvk en Abbotsdale Rvk is nou die enigste spanne wie 3 uit 3 oorwinnings behaal het in die Swartland Groot Uitdaagbeker en gee tans die pas aan. Alhoewel albei spanne hard moes werk vir
‘n oorwinning, kon hulle die knoop deurhaak en hulle onoorwonne status behou. Dit was veral
die verdedigende kampioen, Darling, wie weer eens gewys het dat sy tuisveld geen speelpark vir
besoekers is nie. Sy teenstaanders, Good Hopes, wie steeds sonder ‘n oorwinning voortveg, het
egter hard terug geveg en die dag vir die tuisspan moeilik gemaak. Darling het in die eerste helfte
gesukkel teen ‘n begeesterde Good Hopes en teen rustyd was die telling 5-5.
Darling het egter in die tweede helfte beter gespeel en hul ritme gevind, maar Good Hopes
was steeds ‘n moeilike neut om te kraak. Dit was drieë deur Juwell Samuels, Lood Lingeveldt en
Earl Lewis wat uiteindelik die knoop deur kon deurhaak vir die verdedigende kampioen.
Darling speel eerskomende naweek teen ‘n moeilike Never Despairs RVK, wie gelykop
gespeel het in die derby-wedstryd teen Wesbank RVK. Never Despair beskik oor die nodige
ammunisie om Darling hul eerste loesing toe te dien, maar Darling sal oorgehaal wees om hul
momentum te behou met nog ‘n oorwinning.
Die wedstryd behoort ‘n titaniese stryd te wees, veral agterlangs waar Sherwin Dyason tans uitstekende
rugby vir Never Despair opdis. Sy tweestryd met die talentvolle Jaden Lewis behoort vir groot opwinding te sorg. Darling behoort hierdie wedstryd net-net met minder as 7 punte te wen.
Wesbank RVK sal wil opmaak vir sy gelykop uitslag in die derby-wedstryd teen Never Despair wanneer hy Saterdag na Villagers Wittewater reis – wie tans ‘n nagmerrieseisoen beleef. Villagers Wittewater weet dat hulle sal moet keer vir hulle lewe, aangesien Wesbank se hoofdoel sal wees om weer op die wenpad te kom. Wesbank beskik oor ‘n paar vuurvreter-spelbrekers agterlangs en sal met die bal wil hardloop, sodat hulle indrukwekkende vleuels Reduwaan April en Luke van der Westhuizen weer soos in die eerste paar
wedstryde kan tent opslaan agter die tuisspan se doellyn. Villagers Wittewater was verlede Saterdag heeltemal uitoorlê deur Moorreesburg en sal veral hul verdediging moet opskerp indien hulle enigsins in die wedstryd wil bly teen ‘n begeesterde Wesbank RVK. Wesbank behoort egter gemaklik met meer as 20 punte te wen teen Villagers Wittewater.
Moorreesburg RVK het Saterdag hul tweede oorwinning van die seisoen behaal toe hulle Villagers Wittewater gemaklik ore aangesit het op Moorreesburg. Die tuisspan het egter nie baie goed begin nie en die spelers was bietjie te oorgretig en baie hanteringsfoute gemaak.
Na mate die tyd aangeloop het, het Moorreesburg se enjin uiteindelik aan die gang gekom met die voorspelers wat die grondslag gelê het vir die agterspelers om met die bal in die hand te baljaar. Dit was veral die agterspelers Jehan Bonn, Jaydon Markus, Christo Januarie en Jason Damons wat ‘n paar prag-drieë gedruk het. Jason Damons, wie ook aangewys as speler van die wedstryd, het ‘n driekuns van drieë behaal met sy vlugvoetige spel wat sy teenstaanders omtrent laat bontstaan het. Dit was egter die ervare
voorspelers Brian Klaase en Wilhelm Oktober wat voorlangs baie hard gewerk het.
Die hoofafrigter van Moorreesburg, Havelin Hanekom, wie voorheen vir Villagers Wittewater afgerig het, was ná die wedstryd baie trots op sy span se bonuspuntoorwinning en sal wil voortbou die komende Saterdag, wanneer Saron RVK besoek aflê. Saron het ook verlede Saterdag hul tweede oorwinning behaal van die seisoen toe hy Koringberg RVK net-net geklop het op Saron.
Moorreesburg bied egter ‘n heel nuwe uitdaging vir die besoekers van Saron en Moorreesburg sal
weer sy tuisveldvoordeel tot goeie voordeel gebruik, wanneer hy Saron met meer as 10 punte
klop.
Koringberg RVK is steeds opsoek na sy eerste oorwinning. Die span wat bekend staan as Korries,
het Saterdag op Saron baie beter rugby gespeel en kan homself skop dat hy nie die knoop deurgehak het nie. Saron was egter die beter span in die eerste helfte met twee vinnige drieë en twee strafskoppe wat Koringberg onmiddellik op die agtervoet geplaas het. Saron het in die tweede helfte weer vroeg gaan druk en dit het gelyk of dit ‘n lang middag vir besoekers gaan wees. Koringberg se plaasvervangers het egter nuwe vuur in die span geblaas met veral Lyle Adams wat goeie spel gelewer het om Grant
Mcdillon deur te stuur vir ‘n drie onder die pale.
Na afskop het Koringberg weer verwoed aangeval en die plaasvervanger-haker, Andrew Smith, het in die hoekie oorgeduik vir nog ‘n drie. Met Koringberg wat ‘n oorwinning begin ruik het, het Saron egter kalm gebly en die wedstryd beklink met ‘n drie wat gekom het deur ‘n swak aangee deur Koringberg.
Koringberg reis Saterdag na Porterville wat ook geen oorwinning op sy kerfstok het vir die seisoen nie. Albei spanne sal oorgehaal wees vir hul eerste oorwinning, maar Porterville RVK, wie Saterdag net-net verloor het teen Abbotsdale RVK, sal op sy tuisveld verdere sout in Koringberg se wonde wil vryf met ‘n naelskraapse oorwinning van minder as 7 punte.
Abbotsdale het Saterdag gasheer gespeel vir Porterville RVK op Abbotsdale se sportgronde.
Abbotsdale was weereens uitstekend op sy tuisveld, maar Porterville het hom goed van sy taak
gekwyt om kompeterend te bly in die wedstryd.
Porterville het met skitterende spel die Lillies uit die staanspoor onder druk gehad. Die besoekers
se voor- en agterspelers het goeie samespel bewerkstellig en Abbotsdale se verdediging ’n
paar keer oopgekloof. Porterville het die bal die praatwerk laat doen en na goeie kreatiewe spel is hul met die eerste drie van die wedstryd beloon. Met beter afronding deur Porterville kon die rustydtelling van 12 – 3 veel anders lyk, maar met die wind van agter sou dit ’n groot terugvegpoging van die Lillies veg om die wedstryd in hul guns te swaai. Abbotsdale moes hul ervare plaasvervangers Eschel Josias, Sheldon Appollis en Wium Syster op die veld stuur om bietjie ritme te verskaf. Abbotsdale se voorspelers het
stelselmatig die oorhand begin kry en kon Abbotsdale beter gebiedsvoordeel geniet. Na volgehoue
druk is die heelagter Draigh Schierhout oor vir ’n drie om die telling 19 -15 te maak in die guns van Porterville.
Met vyf minute speeltyd oor druk Abbotsdale nog ’n drie om vir die eerste keer die voortou te neem in die wedstryd. Porterville het egter nie gaan lê nie en met ’n minuut speeltyd oor is Porterville se agterlyn weer deur Abbotsdale se verdediging. Met ’n oop doellyn voor verbrou die besoekers ’n gulde geleentheid wat die wedstryd in hul guns sou swaai. Abbotsdale sal dus gelukkig wees met hul naelskraapse oorwinning van 20 – 19 teenoor Porterville en sal die komende naweek teen Good Hopes wil opmaak. Good Hopes wie tans nog geen ligapunte op die telbord het nie, sal Abbotsdale ‘n goeie wedstryd wil gee maar die Lillies sal wil blom op Riebeek die naweek met n oorwinning van minder as 10 punte.
Ons sien weereens uit na hope genot en vuurwerke op die Swartland rugbyvelde die komende Saterdag.
Abri Adonis