The Swartland Municipality’s K9-unit (also known as the Dog Unit) once again successfully assisted the SAPS in the execution of search warrants in the Wesbank area in Malmesbury on 23 February 2022. During the execution of the warrants one person was arrested.
The Swartland K9-unit has an excellent track record since its inception in October 2020.
The unit is crucial in the war against drugs and has played a critical role in several drug busts while working with the Provincial Traffic Department and SAPS during routine traffic stops on the N7 and R27
During the execution of one of the warrants on Wednesday evening, as part of a crime prevention operation, drugs (including 12 full Mandrax tablets, 16 half Mandrax Tablets, 3 bankies crushed mandrax and 10 bankies tik) a revolver and ammunition was found in the kitchen ceiling of a premises.
The drugs, ammunition and firearm was confiscated and the suspect was arrested on charges of illegal possession of a firearm and ammunition as well as the possession of illegal narcotics. He will be charged and is scheduled to appear in front of the Malmesbury Magistrate Court.
Swartland Executive Mayor, Alderman Harold Cleophas, said: “Safety and security is a growing concern especially in the rural areas, with gangsterism continuing to affect our daily lives. We are proud of the work our K9 unit is doing to deter and prevent crime and we will continue to work with all our law enforcement partners in an effort to create safer communities everywhere.”

Malmesbury se mansrolbalspan het die afgelope Saterdag op Durbanville by tye skitterende spel gelewer, maar helaas was dit nie goed genoeg om hul posisie op die punteleer buite die bereik van ten minste 3 spanne te plaas nie.
Die span van Paul Rossouw, wat moes instaan vir Daniël Griebenauw, Marius Huysamen, Lodewyk Lesch en SG Basson verloor die eerste stel 4-7, maar dit was taaier as wat die telbord aandui.
Die 2de stel wen hulle 7-3 en loop selfs 14-10 voor na 15 skofte.
Maar toe kyk die geluksgodin twee keer weg, en gee die span twee keer 6 skote af op die 19de en 21ste skofte.
Die hartseerste van alles was dat hulle bewus was daarvan om net 5 of minder skote moes afgee om die wedstryd algeheel te wen.
Die eindtelling 15-26, wat net mooi dieselfde punteverskil is waarmee die ander span gewen het. Paul en Marius het deurgaans goeie spel gelewer en die druk goed hanteer tot die noodlot laat in die wedstryd toegeslaan het.
Die span van Roux Vermeulen, Brian Howell, Jeff Petersen en Rainier van Zyl begin goed deur die eerste stel 9-2 te wen danksy ‘n paar goeie skote wat die opposisie se moed gebreek het.
Die tweede stel was baie taai met Durbanville wat terugveg tot ‘n voorsprong van 14-13, maar op die laaste skof van die stel tel hulle 4 op om wel 8-12 te verloor, maar behou die ritme en vat die stel 9-1.
Jeff het hoe later hoe kwater sy opponente goed onder druk geplaas, met Roux wat met 2 uitstekende dryfskote letterlik die spykers in die doodskis ingedryf het.
Oor twee Saterdae sal hulle finaal weet of daardie een punt op die punteleer wat in Durbanville agter gebly het, die verskil gaan wees tussen tweede en selfs vyfde plek op die punteleer.
Malmesbury het nou ‘n loslootjie vir die 19de, met geen Vlag-bepalings vir die 12de nie.
Die span wat aan die WP Trips-liga deelneem het op Bergvliet skynbaar ‘n rolballes gekry.
Hulle kom met geen punte huistoe nie, met Altus Myburgh, Zelda Jordaan en Abu Harif wat sy eerste verteenwoordigende wedstryd gespeel het, wat 9-30, verloor.
In die eerste twee stelle verloor hulle 3-9 en 5-15, maar in die derde stel word daar op elke skof net 1 punt afgestaan of opgetel, en buig hulle die knie met 1-6.
Deon Bosch, Tia Petersen en Kobus Vermeulen trek ook swaar en verloor 7-29, met die stel tellings 2-6, 0-13 en 5-7 onderskeidelik.
Hulle speel Saterdag tuis teen Constantia, wat hulle tweede laaste wedstryd van die liga gaan wees. Intussen is die klub enkelspelkampioenskappe aan die gang en daar was reeds ‘n paar verrassings gewees.
En dan spog die klub met nog ‘n nuwe lid. Cobus Groenewald, wat gereeld aan die Sakemanne Toernooi deelneem, het besluit dis nou die tyd om die lekkerte van eenkeer ‘n jaar 3 wedstryde te speel te verruil vir die geleentheid om soveel soos jy wil, te kan speel.

• Roux Vermeulen

Rooidraai, nou onder die bestuur van Janus le Roux, vier vanjaar sy 80ste bestaansjaar.
Le Roux, wat van kindsbeen ‘n passie vir landbou het, het per toeval sy pad gevind na hierdie stuk grond net buite Malmesbury.
Le Roux het by die plaaslike tak van Nitrophoska gewerk, toe hy ‘n betrekking by “Oom Danie Loubscher” aangebied is toe hy die plaas gekoop het.
So het Le Roux in Augustus 1988 begin boer.
Sy pa het hom altyd grappenderwys voorspel dat hy eendag met ‘n blonde vrou sal trou en dat hy nie vir iemand anders sal boer nie.
Presies wat toe wel nie gebeur het nie.
Hy het met Johanna, ‘n donkerkop-vrou, getrou en boer tot vandag vir die Carinus-broers op Rooidraai.
“Ek is nou al vir 34 jaar die uitvoerende bestuurder soos hulle dit sal noem, maar ek is nie die eienaar nie.”
Le Roux het vir drie jaar vir Loubser geboer voor die plaas op veiling gekom het.
“Almal het vir my toe gesê Janus, bly net waar jy is.”
Die Carinus-broers het die plaas Rooidraai op ‘n veiling bekom.
Le Roux is trots op sy verhouding wat hy en sy werknemers met mekaar het.
“Dis ‘n wedersydse respek.
“My mense het ‘n geleentheid om meer geld te verdien. Ons skep deurlopend geleenthede waar ons die plaas en sy mense kan verbeter.”
Op Rooidraai is daar ‘n stelsel waar werknemers “per stuk” betaal word.
Dus word hulle ekstra beloon in parstyd, as hulle in die wingerde besig is om mandjies te vul.
“Ons het die een oggend van 06:30 gewerk en teen 11:30 kom ‘n vrou na my toe met 111 mandjies wat sy gevul het. Dit is lekker om te sien hoe almal eienaarskap neem en geniet wat hulle doen en beloon word daarvoor.”
Vroeër jare het Rooidraai aan Riebeek Wynkelder gelewer, maar met die oorkoop van die plaas deur die Carinus-broers in 1991, het hulle aan KWV begin lewer.
Le Roux vertel van ‘n episode van “Uit en Tuis” wat op die plaas geskiet is in 1983, toe Babs du Plessis se oorlede man op die plaas gestaan het in gesprek met Riaan Cruywagen.
“Hy het toe genoem dat dit op daardie stadium die grootste droëland-wingerdplaas in die suidelike halfrond is. Dit was nog altyd my begeerte dat ons 600 hektaar wingerd het. Ons is naby daaraan. Ons trek by 500 hektaar.”
Aangesien die plaas uitstekende grond lewer en min water, het Le Roux besef dat iets gedoen moet word om in hierdie behoefte te voorsien.
“In ongeveer 2004 het die klimaat aansienlik verander. Jy kon toe nog met droëland-wingerd geboer het. KWV het ons aangeraai om ‘n plan te maak, want om die beste kwaliteit te kry, moet die druiwe fisiologies ryp wees.”
Le Roux het begin wonder oor die rioolwater van Malmesbury en waarheen dit gaan. Hy het ondersoek ingestel, planne op die tafel gesit en ná hy en sy bure koppe bymekaar gesit het, is die tender vir die gebruik van die rioolwater aan die vyf plase toegeken.
Hulle moes egter bewys lewer dat die water bemagtig gaan word en so het die Fairtrade-projek die lewe gesien. Weens hierdie projek kon hulle hoër pryse beding vir hul wingerd en is hierdie ekstras in die werkers terug geploeg met die bou van die Masakane-skool op Malmesbury – juis vir die werknemers van die deelnemende plase se kinders.
Le Roux vertel dat hulle sowat 200 000 liter water per uur in die winter pomp vanuit hierdie afvalwater.
Een van die uithalerwyne waarin Rooidraai se druiwe geproe kan word, is KWV se Roodeberg.
Die beste ding wat met hierdie plaas kon gebeur, was dat die Carinus-broers dit gekoop het,” vertel Le Roux.

Van 17 tot 19 Maart lei alle paaie na die SA Junior Toutrek kampioenskappe op Malmesbury.
Ongeveer 1200 atlete sal op die Malmesbury-skougronde kragte meet.
Maar moenie glo alles gaan net sweet en inspanning wees nie: die byeenkoms beloof ook groot pret en geselligheid met musiek en steak-etes saans asook hope stalletjies die Vrydag en Saterdag.
Donderdag is dit die inweeg vir atlete.
Daardie aand is steak-etes teen R150 en ‘n kontantkroeg beskikbaar.
Vrydagaand sal daar weer ‘n steakete teen R180 wees en vermaak deur die broers Christo en Cobus teen R100 per kaartjie. Mense wat steakete koop geniet vermaak verniet.
Daar sal ook ‘n kontantkroeg beskikbaar wees. Kroeg Donderdag en Vrydag vanaf 17:00
Almal is welkom. Kontak Rentia (060508 5144) of Bennie (083 412 3069) vir navrae.

“Gesondheid en fiksheid is ‘n leefstyl, maar hoe bly jy positief om hierdie leefstyl ten volle uit te leef.”
So sê Malmesbury se fiksheidsguru, Cathleen Manuel.
“Ek deel graag ‘n paar belangrike wenke,wat jou daagliks kan help.
“Moet nooit jou sukses met n ander se sukses vergelyk nie. Jou liggaam is uniek en presteer teen sy eie tempo.
“Daar is nie ‘n one size fits all- metode nie. Wat vir jou vriende werk mag dalk nie vir jou werk.Leer ken eers jou liggaam,deur dit te doen sal jy verstaan wat goed is vir jou liggaam en wat nie goed is nie. Wat werk vir jou liggaam en wat nie werk nie. Dit hou jou gemotiveerd.
“Dit is jou reis. Niemand anders kan vir jou sê waar dit begin of waar dit ophou nie. Net jy kan hierdie besluite neem vir jouself.
“Wees geduldig met jouself.
“Maak seker die doel wat jy wil bereik en jou leefstyl verandering is realisties en volhoubaar.
“Wees konsekwent: Wanneer dit kom by die bereiking van jou gesondheids- en fiksheidsdoelwitte,is konsekwentheid die sleutel om in ooreenstemming te wees met die positiewe veranderinge wat jy aan jou lewenstyl maak.
“Almal wil alles in ‘n sekonde hê. Dit bring net meer spanning,mismoedigheid, negatiwiteit en dit is die groot rede hoekom die mens terugval in die ou gewoontes waarvan hulle probeer ontslae raak.
“As ons nie deur die op-en afdraandes gaan ,en onsself behoorlik opvoed op hierdie reis nie,sal ons altyd by die beginlyn vashaak,dieselfde herhaal,maklik om foute reg te stel oor en oor.
“Kyk om ‘n leefstyl te bou en nie ‘n tydelike regstelling.”
Cathleen Manuel (Fiksheid Instrukteur en Persoonlike Afrigter) Kontak nommer: 083 787 1232

Sondag het gemeenskapslede van Malmesbury in Vinkstraat saamgekom en gebid vir veiligheid, bewaring en hoop vir die jeug van dié Swartlandse dorp.
Hierdie bidmiddag is gereel ná misdaad die afgelope paar weke die woonbuurt van Wesbank in sy greep het.
“Dis ‘n lelike situasie. Dit raak al erger. Ons het alle ondersteuning nodig.”
So sê Delian van Schalkwyk, ondervoorsitter van die Malmesbury Gemeenskapspolisiëringsforum.
Van Schalkwyk vertel met ‘n swaar hart van die afgelope paar naweke se voorvalle wat die gemeenskap geruk het.
“Ons gaan moet saamwerk om hierdie sinnelose optrede stop te sit.
“Om ons mense, ons jeug, ons inwoners, te beskerm. Dit kan nie so aangaan nie. êrens sal dit moet stop.”
Dit volg ná ‘n imbizo verlede week by die Swartland-sportkompleks waar die gemeenskap ‘n oop gesprek met die wetstoepassers van die dorp kon hê.
Pastoor Enrico Cloete, wat die gebedsmiddag gelei het, sê “ons weier om te aanvaar dat ons jeug van die dorp vernietig word en dat hierdie die norm word. Ons sal voortgaan om hierteen te veg”.
“Bid asseblief vir hierdie inisiatief.”

Aiden van Wyk van die Wesbank Sekondêre Skool op Malmesbury het die naweek aan die Boland-atletiekbyeenkoms deelgeneem. Hy het in die o.15 300m hekkies-item ‘n tweede plek behaal in die o.15 110m hekkies ‘n 4de plek.

Bradley Arendse, die fietsryer van Malmesbury wat trap met ‘n nier wat uit ‘n ‘cooler’ boks gehaal is, is reg vir groter uitdagings.
Vir Bradley was die afgelope twee jaar ná sy nieroorplanting een waarin hy en sy emosies baie wipplank gery het, maar hy is dankbaar vir sy hernude gesondheid en gesonde uitkyk oor die lewe.
“Die kersie op die koek was toe ek terug kon keer werk toe, ná ek in Mei 2017 ongeskik verklaar is.
“Op daardie stadium het die nierversaking geweldige stres op my hart gesit en klein bloedklonte het op my longe gesit. Dit het dit moeilik gemaak om asem te haal en te beweeg.”
Ná sy nieroorplanting het dinge stelselmatig begin verbeter.
“My gesondheid het geweldig verbeter. Die gedagte dat ek met een voet in die graf gestaan het, spook gereeld by my en dit is een van die groot dryfvere agter my aansporing om in die beste vorm van my lewe te wees. Die komitee van die Nasionale Oorplantingspan het die potensiaal in my raakgesien, my genader en ek kan vandag met trots noem dat ek as atleet by die SA Oorplantingspan geregistreer is.”
Bradley gaan eersdaags deelneem in Qbergha aan die nasionale spele om ‘n plek los te ry en hardloop om Suid-Afrika aanstaande jaar in Sydney, Australië, te verteenwoordig.
Bradley sou nooit kon dink dat hy sy voete op ‘n tartanbaan sou neersit nie, want voor sy operasie en siekte was hy nooit ‘n atleet nie.
Hy het wel besef dat hy homself en sy lyf gesond moet kry en het begin fiets ry.
Nou gaan hy deelneem aan die 100m, 400m en moontlik die 1500m-items. Hy gaan ook aan fietsry-items deelneem en moontlik ook verspring en hoogspring.
Vir Bradley was die nierversaking die beste ding wat met hom kon gebeur.
“Dit het my besef wat werklik belangrik is in die lewe. Die kleine dingetjies wat elke dag moontlik maak en my liefde vir die lewe was geopenbaar. Ek geniet elke dag ten volle en tot die uiterste. My uitkyk op die lewe is helder en ek het ook geleer dat dit soos ‘n battery is. Daar moet ‘n positief en ‘n negatief wees om te funksioneer.
“Balans.”
Bradley oefen drie dae per week in die gimnasium.
Hy draf dan vir twee dae en oor naweke ry hy fiets.
“Ek draf enigiets tussen 5 en 15 kilometer. Ek kan met eerlikheid sê my fiksheid is op ‘n goeie vlak, maar dit kan altyd net beter.”
Bradley voel bevoorreg om te kan deelneem aan die Nasionale Spele in Julie.
“Dit gee my die kans om eer te bied aan my skenker en te kan wys wat orgaan skenking kan doen. Sonder n nier oorplanting sou ek nie hier vandag kon staan nie, nietemin eers hardloop of fiets ry nie. Dit bied my die geleentheid om te wys hoe dankbaar ek is vir my tweede kans op lewe en dat ek elke oomblik geniet en al my kanse met beide hande gryp.”
“Oh, en ek is baie bly ek hoef nie meer vir dialiste te gaan nie,” sê hy opgewonde.
Enige instansies of persone wat Bradley wil borg of wil ondersteun kan Vivian De Klerk by die Cape Transplant Sports Association kontak by 079 523 4026, of chair@wctsa.org.za of hom direk by 079 606 3688. Besoek die webtuiste by www.transplantsports.org.za.